قصيدة شعرية: ملا حسن يخدم ابوسكينة من اسنين
ملا حسن يخدم ابوسكينة من اسنين
يرثيه وخلي الناس تصرخ آه يا حسين
مدة حياته يخدم العترة النجيبة
يقره ويخلي ادموعنه ابخدنه سچيبة
اموفق الملا ابتفصيل المصيبة
الناس تشهد إله لا واحد ولا ثنين
ليمن رقى المنبر نصب الدمع منثور
ابصوته الشجي لازم يصير القلب مكسور
والمستمع يبكي المصيبة يوم عاشور
ابمجلسه العشاق من صوته حزينين
اليوم بتشيعوه ودمعتكم جرية
لو يوتعي انچان ناداكم سوية
انكسر قلبي اعلى غريب الغاضرية
هاللي بقى عاري بلا غسلٍ وتكفين
نعشي اتشيلونه ويظل حسين عاري
والدم من نحره على التربان جاري
وتالي ايكفنونه ابقطعة امن البواري
ما حد حضر له ابكربلا نسل الميامين
ابنه علي السجاد حط جسمه ابقبره
ويصيح ويلي اعليك يا مهجة الزهرة
چني اشوفه ايقبله في وسط نحره
ووياه خله الطفل محزوز الوريدين
ش/ جعفر الصايغ
الثلاثاء ٥ ذو القعدة
مرثية بمناسبة رحيل خادم الحسين
الملا حسن بن باقر رحمه الله تعالى